Муниципальное казенное общеобразовательное учреждение

 « Пилигская средняя общеобразовательная школа»

 

Табасаран чIалнаан 6-пи классариз чIаларин гьяфтайиз тялукь вуйи серенжем-

                                                      « Грамматикайин уьлкейиъ».

Гьязур гъапIур табасаран чIалнан ва литературайин мялим Абдуризаков С.А.

Серенжем гъабхурайир: табасаран чIалнан ва литературайин мялим Абдуризаков С.А

Серенжемдин жюре: ккудушу темйир къайдайиз хпан ва гележегдиъ ишлетмиш апIбан( улхбаъ ва бикIбаъ) серенжем.

Серенжем гъабхбан саягъ: аькьвлин тамаши.

Метлебар ва меселйир:

Ø  урхурайидарин табасаран чIалнаан  айи  аьгъювалар ккатIарццуб, сатIи апIуб ва дерин апIуб;

Ø  фикирназ гъадабгъуб, тевуз удукьуб, фикир, ухшарвалар агуб артмиш апIуб;

Ø  тербияламиш апIуб коллективвалин гьиссар,  табасаран чIалнахьна ккунивал ва гьюрмат.

Урхурайидарин гьяракатвалин саягъ: дестейин.

Серенжемдин гъябгъювал

 

 КIули гъабхурайир: Гьамусдин хайир ибшри, баяр-шубар! Гъи ухьу тамаши апIидихьа ва ихь бабан чIал'ан

                                   учвуз айи аягъювалар ахтармиш апIидихьа.Таниш хьухьа!?( Дестйирин мялумат тувувал).    

                                   Варидариз хъуркьувалар ккун апIурза!( Урхурайири Ш. Къазиевдин  «Бабан чIал» шиир 

                                   кIваъланди урхуру)

1.Конкурс « Арашвувал»

I дестейиз суалар:

1.      Фунуб чIалнан пай шлин? фйирин? фициб? кIуру суалариз жаваб шулу?( прилагательное)

2.      ЧIалнан сесерикан улхру илимдин пайназ  … кIуру? (Фонетика)

3.      Инсанари чиб-чпикди гафар апIуз фунуб стиль ишлетмиш апIуру?( улхбан)

4.      Табасаран чIалнаъ шнуб сес а?  (65)

5.      Предложениейин кьялаъ аьхю гьярфариинди дикIру существительнйириз кIуру? ( Хас сущест-р)

6.      Ктикьу гафар арайиз гъюру ? (кьюб гаф чиб-чип'ин иливбиинди)

7.      Сесер улупурайи ишарйир къайдайиинди дивбаз кIуру? (алфавит)

8.      Фунуб чIалнаан ихь  чIалназ гъафиб ву Бай кIуру гаф?( асул табасаран гаф)

9.      Игит-дирбаш- кьягьял- кIубан гафар ву? ( синонимар)

10.  Составназ дилигну 101 числительное ву? ( составнан)

II дестейиз суалар:

1.      Фунуб чIалнан пай фтиъ? фужариз? фу? кIуру суалариз жаваб шулу?( существительное)

2.      Ачухъ ва ачухъ дару сесерикан улхру илимдин пайназ  … кIуру? (Фонетика)

3.      Газетариъ, китабариъ, журналариъ эсерар дикIуз фунуб стиль ишлетмиш апIуру?( китабарин)

4.      Табасаран чIалнаъ шнуб ачухъ дару сесер а?  (56)

5.      Хас существительнйир ктарди имбу существительнйириз кIуру? (Жинс сущест-р)

6.      Кьюб ччив чиб-чип'ин иливбиинди арайиз дуфнайи гафариз кIуру? ( Ктикьу гафар)

7.      Сесер улупурайи ишарйир къайдайиинди дивбаз кIуру? (Алфавит)

8.      Фунуб чIалнаан ихь  чIалназ гъафиб ву Грамматика кIуру гаф?( урус чIалнаан)

9.      Рягъ(хю рягъру)-рягъ( кушар жихру)- рягъ( Глагол)-  гафар ву? ( омонимар)

10.  Составназ дилигну 90 числительное ву? ( составнан)

 

 

 

 

 

2. Конкурс « Аьламатнан илтIикIуб»

            Приставкайин, кьюб ччив чиб-чип'ин иливбиинди, суффиксдин, ударениейин,приставкана суффиксдин

            кюмекниинди гафарикан цIийи мяна айи гафар дюзмиш апIуб:

              I десте                                                                                                         II десте

1.      Хъют+гъюб (хъюгъюб)-прист.                                                      Камил + йиц-1( килиц) прис.

2.      Гъирмаж + лицуб +Национальность (гъилицнац) прис. суф.    Кино + бирхуб + нур- 2 ( кибирхну)   

3.      Гьаму +  йишваъ( гьамушв) кьюб ччив…                                    ИлтIишну + илтIишну- 3( ударение)

4.      Табасаран + жвилли (табасаранжви) суф.                                    Бика + Пери – 4(перибика) кьюб ччив…                          

5.      Ургуб + ургуб ударение                                                                 Кьаб + ибар – 5 (кьаби) суф.

3. Конкурс « Устйир»

            Суратназ духнайи предложенйирикан абйирин меселйир дюзмиш апIуб

1.      Йишвну илипрубдихьинди улар илдицну, жандак гъабхрудар кириф.( Леъфиз лигну, ликар гьачIаркк)

2.      Зурба сесерикан духьнайидар маъ айибдиз аьхюрихъ хъебрехъган гъюруб, хъа дадайи гизаф дабкIну пичран шаб'ин илипруб гъипIу уьл абхърубдиз дучIвркбкьди гъипIган гъюруб.( Аьхю гафар фуниз бала, чIилли лаваш фуниз бала).

 

4.Конкурс « Сюгьрин кьутдиан».

             Шарадйир хътирчуб

1.      Ккебгъуб -  саб составнан числительное, аьхир – алфавитдиъ 13-пи гьярф.  Дурар сатIи хьиган шулу хурагик капIру укI(100и)

2.      Ккебгъуб-географияйиан- забгнайи йишв, кьялайишв-ПК тувру фирмайин ччвур,аьхир - ихь чIалнаъ – дюзенар. Дурар сатIи хьиган шулу райондин ччвур (Табасаран)

3.      Ккебгъуб –алфавитдин аьхирихъанмина 46-пи гьярф, аьхир- кабсну бикIру  кпикьу гаф. Дурар сатIи хьиган шулу шуран ччвур (Амина)

4.      Ккебгъуб- йишван сяргьят улупру лишан, аьхир – ачухъ сес.( КIари)

5.Конкурс «Гьарсаб чан йишваъ»

            Урхурайидари, конвертдиан адагъну, текстнягъ гъядру гафар чпин йишвак карсру-дибикIнайи кIажук.

« Гьюрматлу урхурайидар!Гъи учву табасаран чIалнаан грамматикайин конкурсдиъ иштирак шулачва. Учвкан гьарсари чаз айи аьгъювалар ишлетмиш апIурачва.Мушваъ учвуз ичв аьгъювалар, фикир, гьялак дарувал лазим шулу.

             Талитнаъ айидарикан сар гъалиб шулу, хъа тмунур кьяляхъ гъузру.

            Учвуз хъуркьувалар ишри.»

6.Конкус «Учв азадуб дар думу.

                   Ибара ву - Дурумлу!»

           Серенжем гъабхурайири дурумлу ибара жара гафариинди ктибтуру, хъа иштиракчйири думу хътипуру.

           Учв ву ничхир, аьхюбра дар.

           Амма гъул'ан учв удубчIвдар.( Гъулан жакьв)

 

          Дидкан ктауру уччву шей'ар.

          «Дидин ву,-кIуру,- яв хилар».( Гъизилин хилар)

 

          Ригъ гьудубчIвуру, алабхъуру.

          Думу ригъдихъди илбицуру.( Ригъун кюкю)

 

          Дугъаз кIурдар «Аькьюл айир»,

          Хъа кIуру « Хилин тIул кайир» ( ТIафал)

 

 

 

 

7.Конкурс « Башчйир – Улихь!»

         1)   Дестйирин башчйирин талит-доскайихь табшуругъар тамам апIуру:

 

I.Табасаран чIалнаъ гафар, фицдар саягъариинди гъюраш, жара апIин:

 

1) ГьацIишвар; 2)хъип; 3) лику; 4) гъилихну; 5) Мяъли кIурайи шубарин дархьуб сабси дайи.Узу дагризди кьяляхъ дархьуб ужуди вуйи.

префиксарин	суффиксарин	префикс.+суффикс.	кьюб ччив чиб-чип.	удар-е гьюдюхб.

 

II. Ктикьу гафарик кайи гъалатIар дюз апIин ва дикIбан саягъариз дилигну, жара апIин :

 

1ШейтIнин – бакIлукI,2 йицIи  йирхьуб,3 йигъйишв,4 Пилигъгъул, 5Гьяжи  гъурбан,6 гъюблангъюбаз,7 шад-хьуб, 8мучIучру,9 РДЙИЗ.

карсну		арайиъ дефис ади			жаради

 

8. Конкурс « 46 ражари!»

          Дестейиан сари гаф падежариз дигиш апIуб:1- гьар 2-цал

 

9. Конкурс « Гъярмядягъиш»-гъирагъдихъ хъайидариз.

   Меселйириъ гафар чпин йишвариъ дивуб:

Ø  Аьхю кIулиз лаваш бала, чIилли фуниз гафар бала( аьхю гафар кIулиз бала, чIилли лаваш фуниз бала)

Ø  Рябгъру никк хюндикк даршул(рябгъру хюндикк никк даршул)

Ø  Душман машназ лигуру, дуст-ликариз(дуст машназ лигуру, душман-ликариз)

Ø Фу ктубчIвуру, хутIлиъ гьадму гъубзиш ( хутIлиъ фу гъубзиш, гьадму ктубчIвуру)

Ø Лик завуъ ади гъягърурин, кIул гъвандихъ йивур (кIул завуъ ади гъягърурин, лик гъвандихъ йивур)

 

10. Аьхир

    Магьа ккудубкIну серенжем.

    Аьхирра хуз вахтар улуркьну.

    Жюрийи баллар гьисаб дапIну,

    Улихь вуж вуш аьгъю апIуб!

 

    Гъалибвалин кьимат ву ихь-

       « Хьубар» сабпи йишв гъадабгъдариз!

       Хъа кьюбпи йишван сагьибар-

       Ишри дураризра « Юкьбар».